Şahruddinin komandası "Qalatasaray"a uduzdu

Bu gün Türkiyə Superliqasında 34-cü tura start verilib.

QOL.az xəbər verir ki, Azərbaycan millisinin qapıçısı Şahruddin Məhəmmədəliyevin çıxış etdiyi "Adana Demirspor" öz meydanında lider "Qalatasaray"la qarşılaşıb. Görüşdə İstanbul komandası 3:0 hesablı qələbə qazanıb.

Şahruddin də bu oyunun iştirakçısı olub. 29 yaşlı qapıçı meydana start heyətdə çıxıb və sonadək oynayıb. 

Qeyd edək ki, "Qalatasaray" 93 xalla 1-ci, "Adana Demirspor" isə 41 xalla 11-ci pillədə qərarlaşıb.

"Adana Demirspor" - "Qalatasaray" - 0:3

Qollar: Ziyeş, 53, Demirbay, 64, İkardi, 90+1