Donetskdə rus ordusu ilk “Abrams” tankını ələ keçirib

Rusiya hərbçilərinin Donetskdə qənimət götürdükləri ilk Abrams tankı Poklonnaya təpəsində nümayiş etdiriləcək...Rusiya hərbçiləri ilk Amerika “M1 Abrams” tankını Donbasın Avdeeka sektorundakı döyüş təmas xəttindən təxliyyə edib.Poliqon xəbər verir ki, bu barədə Rusiya Mərkəzi Qüvvələr qrupunun mətbuat mərkəzinin rəhbəri Aleksandr Savçuk bildirib.“Mərkəz qrupunun döyüşçüləri tankı cəbhədən uğurla çıxarıblar. Tezliklə hamı onu Poklonnaya təpəsində görə biləcək”, deyə Savçuk bildirib.Qeyd edək ki, Amerika mediası bildirdiyinə görə, son iki ay ərzində Ukraynada ən azı beş “Abrams” tankı artıq sıradan çıxıb. Həmçinin qeyd olunub ki, Ukrayna Silahlı Qüvvələri Rusiya PUA-larının fəaliyyəti ilə əlaqədar ABŞ-dan transfer edilən “Abrams” tanklarından istifadəni dayandırıb.Qeyd edək ki, mayın 1-də Moskvanın Poklonnaya təpəsində Rusiya hərbçilərinin Ukraynada qənimət götürdüyü silahların sərgisi açılır. Orada ümumilikdə 12 ölkədən 30-dan çox hərbi texnika nümunəsi sərgilənəcək. Sərgidə həmçinin xarici orduların atıcı silahlarının nümunələri, Ukrayna Silahlı Qüvvələrinin xəritələri, ədəbiyyatı və texnikası nümayiş etdiriləcək.Poliqon.info