Azərbaycanda hamamı olmayan evlərin sayı açıqlanıb

Bu ilin əvvəlinə olan məlumata görə Azərbaycanda ev təsrrüfatlarının 0,6%-də hamam (vanna və duş) olmayıb.
Yeniavaz.com-un apardığı hesablama göstərir ki, bu göstərici təxminən 14 min evə bərabərdir.
Şəhər yerlərində hamamı olmayan evlərin sayı ümumi evlərin 0,2%-nə, kənd yerlərində isə 1,1%-nə bərabər olub.
Açıqlanan rəsmi statistikada diqqət çəkən məqamlardan biri odur ki, əvvəlki illərdə ölkədə hamamı olmayan evlərin sayı daha çox olub.
Aşağıda hamamı olmayan evlərin ümumi evlərdəki payı illər üzrə aşağıdakı kimi olub:
2016-cı il – 11,4%
2017-ci il – 10,4%
2018-ci ildə – 7,3%
2019-cu il – 6,7%
2020-ci il – 6,1%
2021-ci il – 5,7%
2022-ci il – 2,9%
2023-cü il – 0,6%
Onu da bildirək ki, bölgələrdə hamamı olmayan evlərin sayı əvvəllər daha çox olub. Məsələn, 2016-cı ildə Şəki-Zaqatala iqtisadi rayonunda ümumi evlərin 26%-dı hamam olmayıb. Ötən il isə bu bölgədə hamamı olmayan evlərin ümumi evlərdəki payı cəmi 0,9% təşkil edib.
Elnur Əli