Almaniya və Çex prezidentləri Ukraynanı müzakirə edəcəklər

Çex və Almaniya prezidentləri Petr Pavel və Frank-Valter Ştaynmayer ölkələri arasında enerji sektorunda əməkdaşlığın perspektivlərini və Ukraynadakı vəziyyəti müzakirə edəcəklər.

Redaktor.az CTK xəbər agentliyinə istinadla xəbər verir ki, Ştaynmayer iki günlük səfər üçün bu gün Praqaya gəlib.

Agentliyin məlumatına görə, danışıqların mövzuları Çex və Almaniya arasında ticarət-iqtisadi əlaqələr, iki ölkənin hərbi-sənaye kompleksi arasında qarşılıqlı əlaqələrin inkişafı və Yaxın Şərqdəki vəziyyət, qarşıdan gələn Avropa Parlamentinə seçkilər olacaq.

Pavel və Steinmeier çərşənbə axşamı "Çex Respublikasının Aİ-yə üzvlüyünün 20 ili: Genişlənmiş Avropaya baxış" adlı beynəlxalq konfransda əsas məruzəçi olacaqlar. Çexiya hökuməti və parlamenti rəhbərlərinin çıxışları da nəzərdə tutulub.

Almaniya prezidentinin səfər proqramına yəhudi icmasının nümayəndələri, Çex dövlətinin mədəniyyət xadimləri və ictimaiyyəti ilə görüşlər daxildir.

T.İSMAYIL