Görüntülər rekord vurdu: Arda Gülərin hərəkəti - VİDEO

Türkiyə millisinin futbolçusu Arda Gülər İspaniyanın "Real Madrid" klubunda etdiyi hərəkətlə rekord vurub.

Ölkə.Az xəbər verir ki, o, XXI əsrdə "kral klubu"nun forması ilə La Liqada ilk dəfə start heyətində meydana çıxıb qol vuran ən gənc ikinci oyunçu olmaqla yanaşı, driblinqi ilə yadda qalıb.

Belə ki, "Real Sosyedad"la görüşdə fərqlənən futbolçu aldadıcı manevri ilə də azarkeşlərin ürəyinə yol tapa bilib. Onun 2 gün öncə həmin oyunda etdiyi hərəkət milyonlarla baxış toplayıb.

Xatırladaq ki, yarımmüdafiəçinin "Real Sosyedad"la görüşdə vurduğu qol komandasına minimal hesablı qələbə qazandırıb.

A.Gülər bunu 19 yaş 61 günlüyündə bacarıb. Birinci pillədə isə Rodriqo (18 yaş 294 gün) yer alıb.

Qeyd edək ki, "Real Madrid" 84 xalla turnir cədvəlinə başçılıq edir.