Qaraçay-Çərkəzdə polisə hücum - 2 ölü, 4 yaralı - VİDEO

Aprelin 28-də axşam saat 23:00-dan sonra Qaraçay rayonunun Mara Ayağı kəndində xidmətdə olan yol polisi dəstəsinə silahlı basqın edilib. 

Ölkə.Az xəbər verir ki, Qaraçay-Çərkəz üzrə Daxili İşlər Nazirliyinin teleqramında verdiyi məlumata görə, "VAZ-2109" markalı avtomobil hüquq-mühafizə orqanlarının əməkdaşlarına yaxınlaşıb və oradan partlayıcı qurğu atıblar. Həmçinin avtomat silahlardan polisə atəş açıblar. Nəticədə 2 polis ölüb, 4-ü isə yaralanıb. 

Polis hücum edənlərə cavab atəşi açıb. 

Yaralılar xəstəxanaya yerləşdirilib. 

Məlumatda o da qeyd olunur ki, hücum edən beş nəfər cavab atəşi ilə öldürülüb. Onların bir həftə əvvəl Karaçayevskdə polisə hücum edən şəxslər olduğu müəyyən edilib.

Faktla bağlı cinayət işi açılıb. 

Mürtəza
Ölkə.Az