Ukrayna artıq dəniz terminallarının yarısını itirib - Dmitri Barinov

Rusiya üçün Odessa və Ukrayna limanları böyük əhəmiyyət kəsb edir, çünki bütün qlobal ticarətin 95%-i dəniz yolu ilə həyata keçirilir.

Valyuta.az xəbər verir ki, bunu NV Business-ə müsahibəsində Ukrayna Dəniz Limanları Administrasiyasının dövlət şirkətinin rəis müavini Dmitri Barinov Rusiya ordusunun Ukraynaya genişmiqyaslı işğalı zamanı raketlər və PUA-lar ilə Ukrayna limanlarına 39 hücumun edildiyini xatırladaraq deyib. 215 obyektə ziyan dəyib, 153 nəqliyyat vasitəsi və 8 mülki gəmi məhv edilib.

“Qlobal ticarətin 95%-i dəniz yolu ilə baş verir... Təyyarə ilə, avtomobillə, dəmir yolu ilə deyil. Biz çoxlu kənd təsərrüfatı məhsulları, çoxlu mədən və metallurgiya məhsulları istehsal edirik. Bütün bunları daşımaq üçün bizə limanlar lazımdır. Bir böyük gəmi, hətta ən böyüyü də deyil, 100 min tonluğu 5 min sürücüsü olan 5 min yük maşını deməkdir”, - Barinov qeyd edib.

O, həmçinin xatırladıb ki, müharibədən əvvəl Ukraynada 18 liman olub. “Onlar Krımda beşini işğal ediblər. Sonra, bu genişmiqyaslı təcavüzün başlanğıcından bəri daha dörd: Mariupol, Berdyanski, Xerson və Skadovsk. Ancaq biz Xersonu fəth etdik. Təəssüf ki, biz indi Nikolayev vilayətindən istifadə edə bilmirik, çünki orada hərbi əməliyyatlar çox yaxında gedir”, - Barinov bildirib.

“İndi az qala hər gecə Krımdan bizə (Odessaya və bölgəyə) raketlər və kamikadze bombaları atırlar. Məhz ona görə ki, limanlar Ukrayna iqtisadiyyatı üçün müstəsna əhəmiyyət kəsb edir. Müstəsna”, - Barinov vurğulayıb.

Nicat