İtalyan şirkəti böyük qaz kəşfinə imza atıb

İtaliyanın neft və qaz nəhəngi “Eni” şirkəti Şərqi Kalimantanın Şimal Qanal iş sahəsində ilkin təxminlərə görə əhəmiyyətli miqdarda qaz ehtiyatı tapdığını açıqlayıb. Yeni kəşf 5 trilyon kubfut həcmində qiymətləndirilir.

Aşkar edilmiş bərpa edilə bilən resursların ilkin qiymətləndirilməsi göstərir ki, bu kəşfin milli neft və qaz hasilatının davamlı artımını dəstəkləmək üçün qaz ehtiyatlarını əhəmiyyətli dərəcədə artmasına vəsilə olacaq.

Bu tapıntı ilə şirkətin 2030-cu il hədəfinə gündəlik 1 milyon barel neftlə yanaşı, gündəlik 12 milyard kubfut qaz da əlavə edilib.

Neft rəsmiləri hesab edirlər ki,  bu nəhəng kəşf gələcəkdə daha böyük kəşfiyyat sərmayəsini təşviq edə biləcək. Çünki ölkənin milli neft və qaz potensialının hələ də perspektivli olduğu üzə çıxmış oldu. "Ümid edirik ki, beynəlxalq neft şirkətləri tərəfindən Şimali Qanalda qaz ehtiyatlarının aşkarlanması daha çox beynəlxalq şirkəti İndoneziyaya daxil olmağa təşviq edəcək. Bu, əlbəttə ki, hökumətin milli neft və qaz sənayesinin rəqabət qabiliyyətini artırmaq səylərindən birinin bəhrəsidir”, - deyə indoneziyalı neft rəsmisi Dvi Soetjipto bildirib.

O, əlavə etdi ki, dövlət kəşfin dərhal pula çevrilməsi üçün sonrakı mərhələlərdə də “Eni” ilə intensiv koordinasiya aparacaq.

Daha sonra qaz nəhənginin kəşfinin dərhal hasilatı təşviq ediləcək ki, o, inkişafı dəstəkləmək üçün qaz tədarükünü, xüsusilə hazırda hökumət tərəfindən irəli sürülən aşağı axın qazını artıra bilsin.

Nubar Süleymanova, “İki sahil”