Bu qadın 32,9 kq çəkisi olan sazan tutaraq REKORD QIRDI

Böyük Britaniyada yerli sakin 32,9 kq çəkisi olan güzgü sazanını tutaraq rekorda imza atıb.

Publika.az xəbər verir ki, Naomi Turner iki gün ərzində Kembricşirdə balıq tutub. O, taktikasını dəyişməyincə böyük balıq tuta bilməyib. Qadın tilovunu ən dərinliyə atıb. İki saat sonra o, nəhəng bir sazan tutub. Onun sözlərinə görə, bu yeri yosunlar basıb.

Naomi Turner çoxdan belə bir ov arzusunda olub, lakin bunun həqiqətən baş verəcəyinə inanmayıb. Britaniyalı qadın sevincinin onu uzun müddət tərk etməyəcəyini deyib.

"Sevinc, ləzzət və inamsızlıq göz yaşlarından sonra mən nəticədə belə qənaətə gəldim ki, bu, potensial olaraq ölkədəki ən böyük sazan və Böyük Britaniyada qadın balıqçı tərəfindən tutulan ən böyük sazandır", - o deyib.