Baş nazirdən ABŞ-a ağır İTTİHAM: “Gürcüstanda inqilab cəhdlərini dəstəkləyib”

ABŞ 2020-2023-cü illərdə Gürcüstanda inqilab cəhdlərini dəstəkləyib.

Yenicag.az xəbər verir ki, bu barədə Gürcüstanın baş naziri İrakli Kobaxidze X sosial şəbəkəsindəki hesabında məlumat yayıb.

Baş nazir bu qeydlərini ABŞ Dövlət Departamentinin müşaviri Derek Çolletlə söhbətindən sonra yazıb.

Kobaxidze qeyd edib ki, “əgər o vaxtkı səylər uğurla nəticələnsəydi, bu gün Gürcüstanda ikinci cəbhə açılardı”.

Baş nazir bildirib ki, o, Dövlət Departamenti nümayəndəsinin diqqətinə çatdırıb ki, “bunun fonunda münasibətlərin yenidən qurulması (Gürcüstan və ABŞ) xüsusi səylər tələb edir ki, bu da ədalətli və vicdanlı yanaşma olmadan mümkün deyil”.