Molla rejimi niyə narahatdır?

Türkiyə Milli Müdafiə Naziri cənab Yaşar Gülər ölkəsinin "PKK" terror təşkilatı ilə mübarizəsi çərçivəsində maraqlı fikirlər səsləndirib. O, İranla sərhəddə aparılan antiterror əməliyyatları zamanı terrorçuların sözügedən ölkəyə qaçışını pilotsuz uçuş aparatları ilə müşahidə etmələrinə rəğmən Tehran rəsmilərinin faktları inkar etdiyini bildirib. Əlbəttə ki, İran rəsmilərinin bu tip yanaşma sərgiləməsi rəsmi Ankara tərəfindən birmənalı qarşılanmır. Görünür ki, molla rejimi narahatdır. Onların narahatlıqların səbəbləri Türkiyənin tədricən Yaxın Şərqin əsas siyasi və hərbi gücünə çevrilməsi, İraqla iqtisadi və hərbi əlaqələrini genişləndirməsi, Azərbaycanla müttəfiqlik münasibətləri kontekstində Cənubi Qafqazda mövqelərini durmadan möhkəmləndirməsi, bunla paralel daha böyük perspektivdə TDT- nın yeni bir güc mərkəzi kimi təqdim etməsi və İraqın şimalında PKK terror təşkilatının tamamilə məhv edilməsində istiqrarlı tutum sərgiləməsidir.

Reallıq ondan ibarətdir ki, Türkiyəni zəiflətmək və hər daim təzyiq altında saxlamaq istəyən güclər məlum qruplaşmanın fəaliyyətindən geniş şəkildə istifadə edirlər və İranda bu reallıqlar fonunda eyni tip ritorika ilə çıxış edərək müqavimət gücü formalaşdırmaq üçün ciddi səylə çalışır. Çünki Tehranında xarici siyasət strategiyası əsasən Yaxın Şərqdə söz sahibi olmaq maraqlarına dayanır. Məhz bu səbəbdən proqsi qüvvələr, PKK terror təşkilatı, ideolojik xətt, İranın Türkiyəyə qarşı istifadə etdiyi əsas üç istiqamət kimi xarakterizə olunur.

Azərbaycana qarşı Ermənistana dəstək verən, onları silahlandıran və işğala təşviq edən İrandan, Türkiyəyə qarşı da dost münasibət sərgiləməyi gözləmək sadəcə sadəlövhlük olar. Molla rejiminin hərbi aktivliyi, ballistik raket istehsalı kimi strateji proqramlarının hər biri birmənalı olaraq Türkiyə əlehinə yönəlib.

Pərviz Mirizadə-AVP sədrinin beynəlxalq məsələlər üzrə köməkçisi