Qurban Qurbanov: “Hamı “Neftçi”yə qarşı istəkli olur”

“Qarabağ”ın baş məşqçisi Qurban Qurbanov Azərbaycan Premyer Liqasının 33-cü turunda “Neftçi”yə qarşı keçirdikləri oyunu şərh edib.

Arena.az xəbər verir ki, Ağdam klubunun çalışdırıcısı 5:0 hesabıyla qalib gəldikləri oyundan sonra baş tutan mətbuat konfransında bunları söyləyib:

“Futbolçularımı təbrik edirəm. Azarkeşlər üçün maraqlı oyun olduğunu düşünürəm. Matçdan razı qaldım. Amma daha səliqəli oynamalıyıq. Futbol səhvləri bağışlamır. Bir neçə epizodda rəqib istifadə edə bilərdi. Çox sadə texniki səhvlər etmişdik. Ümumilikdə yaxşı oyun nizam-intizamı var idi. Futbolçularım istəkli idilər. “Neftçi”yə uğurlar arzulayıram”.

Qurban Qurbanov komandasındakı motivasiya və Mateus Silvanın müdafiənin mərkəzində oynamasına da toxunub: “Elə qarşılaşmalar var ki, onlara daha çox hazırlaşırıq. Bizim görüşə motivasiyasız çıxmağımız düzgün deyil. Komandanı ən az “Neftçi”yə qarşı motivasiya edirəm. Çünki futbolçular dərk edirlər ki, çempionatın ən çox maraq doğuran matçı “Qarabağ” 0 “Neftçi” oyunudur. Ona görə də onları motivasiya etmək mənə daha asandır. Hamı “Neftçi”yə qarşı istəkli olur.

Mateus Silva artıq neçə oyundur mərkəzdə çıxış edir. Ondan razı qaldım. Görüşdən-görüşə istədiyimiz oyunu göstərir. Bu, komanda üçün böyük üstünlükdür ki, bir futbolçu həm sağda, həm mərkəzdə eyni səviyyədə oynayır. Heyəti qoruyub saxlamağa və gücləndirməyə çalışacağıq”.

51 yaşlı mütəxəssis İspaniya klublarından hansınasa təcrübəyə yollanacağı və Emre Moru transfer etmək istədikləri barədə xəbərləri də təkzib edib.

“Məyusam. Azarkeşlərdən üzr istəyirəm. Hesab bizi qane edə bilməz. Asan şəkildə məğlub olduq. Səhvlərimiz kifayət qədər çox idi. Qırmızı vərəqədən sonra aydın idi ki, böyükhesablı məğlubiyyət olacaq.

Hər oyuna rəqibdən asılı olmayaraq, qələbə üçün çıxırıq. Bu gün rəqibimiz “Qarabağ” idi. Onların “Sabah” və “Sumqayıt”la oyunlarına baxmışdıq. Müəyyən düşüncələrimiz var idi. Pressinq etməyə çalışırdıq. Rəqibin son oyunlarda mərkəzdə boşluqlar verdiyini görmüşdük. Biz də düşündük ki, bundan istifadə edə biləcəyik. Amma bu gün meydanda fərqli “Qarabağ” var idi. Erkən qol buraxdıq. Bundan sonra düşündüyümüzü etmək çox çətin idi”.