“Sumqayıt”la oyunun qəhrəmanı: “Ağlıma belə gəlməzdi ki…”

“Ədalətli oyun oldu. Sonuncu dəqiqəyə kimi qol vuracağımıza inanırdıq. Rəqibin cərimə meydançasında məhsuldar ötürmə edəcəyim ağlıma gəlməzdi. Kaş bu ötürməm qələbə qolunu gətirərdi. Yenə də 1 xal da yaxşıdı. Özümüzü xoşbəxt hiss edirik”.

Bu sözləri İdmanxeber.az-a açıqlamasında “Kəpəz”in qapıçısı İqor Rodrigez deyib.

“Sumqayıt”la matçda məhsuldar ötürmə edərək Gəncə klubunun 1 xal qazanmasında kömək edən portuqaliyalı qolkiper “Kəpəz”də qalıb-qalmayacağına dair sualı belə cavablandırıb:

“Hələ ki, heç bir təklif yoxdu. Azərbaycanda qalmaqdan məmnunam. Burda oynamaq çox gözəl bir hissdir. Yayda bilinəcək ki, burda qalacam, yoxsa ölkəm Potuqaliyaya gedəcəm”.