Milyonluq auditoriyasına Bakını göstərdi - Fotolar

Rusiyalı dəb tarixçisi, sənətşünas və teleaparıcı Aleksandr Vasilyev Bakıya gəlib. 

“Qafqazinfo” xəbər verir ki, o bu barədə instaqram hesabında bildirib. 

Vasilyev qeyd edib ki, ilk dəfə Bakıya atası ilə 1971-ci ildə məşhur azərbaycanlı rəssam Tahir Salahovun dəvəti ilə gəlmişdi. 

“Bakı bizi Xalça festivalı, dadlı restoranları, sarayları və muzeyləri, həmçinin qayaüstü rəsmləri ilə şöhrət qazanmış Qobustan qoruğuna səfərlə sevindirdi”, - rusiyalı məşhur budəfəki səfəri haqda yazıb. 

Qeyd edək ki, A. Vasilyevin instaqramda 1,4 milyondan çox izləyicisi var.