Ərdoğan Türkiyədə inflyasiyanın azalmağa başlayacağı vaxtı AÇIQLADI

Türkiyə Prezidenti Rəcəb Tayyib Ərdoğan hakimiyyətin respublikada yüksək inflyasiyanın birrəqəmli rəqəmlərə endirmək əzmini təsdiqləyib.

Redaktor.az TRT Haber telekanalına istinadla xəbər verir ki, Türkiyə liderinin sözlərinə görə, inflyasiyanın azalması yay aylarından başlayacaq.

"Bölgəmizdə baş verən müharibələrə və böhranlara baxmayaraq, biz iqtisadi proqramımızı güclü şəkildə həyata keçiririk. Fevral ayında işsizlik səviyyəsi 8,7% təşkil edib. Bununla belə, əmək bazarımızda disbalans olduğunu görürük. Biz bu problemlərin aradan qaldırılması üçün lazımi addımları atırıq. Yaşayış minimumu və maaşlarla bağlı problemlər yay aylarında inflyasiyanı birrəqəmli səviyyəyə endirməyi hədəfləyirik”, - deyə Ərdoğan Ankarada başçılıq etdiyi Nazirlər Kabinetinin iclasından sonra xalqa müraciətində bildirib. 

Qeyd edək ki, aprel ayının sonunda Türkiyədə inflyasiya, rəsmi məlumatlara görə, bir ay əvvəl 68,5%-ə nisbətdə illik 69,8%-ə çatıb. Eyni zamanda, bir qrup müstəqil iqtisadçı ötən ay respublikada inflyasiyanın səviyyəsini 124,35% qiymətləndirib.

Türkiyənin maliyyə naziri Mehmet Şimşək daha əvvəl bildirmişdi ki, yerli hakimiyyət orqanları iyun ayından inflyasiyanın sürətlə azalacağını gözləyir. İlin sonuna qədər Türkiyə Mərkəzi Bankı bunu 36% səviyyəsində proqnozlaşdırır.

Turan İSMAYIL