“Neftçi” legioneri ilə yollarını ayıracaq

“Neftçi” yayda bir neçə futbolçusu ilə yollarını ayıracaq.

Apasport.az-a verilən məlumata görə, “ağ-qaralar”ın yollarını ayıracağı futbolçulardan biri də Dieqo Valdez ola bilər.

Belə ki, etimadı doğrultmadığı üçün paraqvaylı futbolçu ilə işbirliyinə davam edilməyəcəyi gözlənilir.

30 yaşlı yarımmüdafiəçinin “Neftçi” ilə müqaviləsi 2024-cü il iyunun 30-da başa çatacaq.

“Ağ-qaralar” onunla müqavilə müddətini artırmaq hüququna malik olsa da, Valdezlə yola davam etmək planlaşdırılmır.

Qeyd edək ki, Valdez “Neftçi”dən qabaq “San Luis”(Meksika), “Sol de Amerika”, “Quarani”, “Quayrena”(hamısı Paraqvay) komandalarında oynayıb.