Ermənistanın baş naziri Nikol Paşinyan mayın 8-də Aİİ sammitində iştirak etmək üçün Moskvaya gedəcəyini və Vladimir Putinlə ikitərəfli görüş keçirəcəyini açıqlayıb.
Tezadlar.az xəbər verir ki, bu barədə TASS yazır.
Daha əvvəl Rusiya prezidentinin beynəlxalq məsələlər üzrə köməkçisi Yuri Uşakov bildirmişdi ki, Kreml Rusiya prezidenti Vladimir Putinlə Ermənistanın baş naziri Nikol Paşinyan arasında gözlənilən görüşə böyük əhəmiyyət verir. Uşakovun fikrincə, bu görüş ikitərəfli münasibətlər məsələsində “çox məntiqi nöqtə” qoymağa kömək edəcək və “toplanmış problemli məsələlərin” açıq müzakirəsinə imkan verəcək. O, həmçinin əlavə edib ki, Putin və Paşinyan 2023-cü ilin sonundan demək olar ki, əlaqə saxlamayıblar
Öz növbəsində, Ermənistanın baş naziri Nikol Paşinyan da etiraf edib ki, Ermənistanla Rusiya arasında “çoxlu problemlər yığılıb”.
“Bunun bir hissəsi səsləndirilib. Onlar Ermənistanla Rusiya arasındakı dostluq münasibətləri kontekstindən çıxış edərək neqativ nüansları aradan qaldırmaq məqsədilə səsləndirilib. Problemlər var və İrəvan bütün diqqətini onların həllinə yönəldib”, - o, mətbuat konfransında izah edib.
Bundan əvvəl Ermənistanın baş naziri Nikol Paşinyan ordunun inkişafı konsepsiyasının dəyişdirilməsinin vacibliyini bəyan etmişdi, çünki İrəvan artıq hərbi-texniki əməkdaşlığı inkişaf etdirə və yalnız Rusiya ilə müdafiə əlaqələrini artıra bilməz. Ermənistan hökumətinin başçısı həmçinin bildirib ki, Kollektiv Təhlükəsizlik Müqaviləsi Təşkilatına (KTMT) “güvənmək olmaz”.
Xarici işlər naziri Sergey Lavrov isə diqqəti ona yönəldib ki, İrəvan uydurma bəhanələrlə bilərəkdən Rusiya ilə münasibətlərin pozulmasına gətirib çıxarır.
E.ŞİRİNOV
.jpg)
