Putinin andiçməsi: Ukrayna niyə zərbə endirmədi?

Rusiya Prezidenti Vladimir Putinin bugünkü inauqurasiyasının özəlliyi müharibə dövründəki andiçmə mərasimi olmasıdır.

Axar.az xəbər verir ki, bu sözləri rusiyalı hərbi ekspert, “Mülki Müdafiə” jurnalının baş redaktoru İqor Korotçenko deyib.

“Böyük Britaniyanın hazırladığı və istiqamətləndirdiyi Ukrayna Silahlı Qüvvələrinin Rusiya ərazisinin dərinliklərindəki hədəflərə gözlənilən uzaqmənzilli raket zərbələri bu gün baş vermədi.

Niyə? Bir anda bir neçə səbəb:

- ABŞ-dan birbaşa qadağa. Vaşinqton Moskvadan mümkün cavab variantlarını təhlil edərkən bunun çox riskli olduğunu hiss etdi;

- Kreml Baş Qərargahın rəhbərliyi altında qeyri-strateji nüvə qüvvələri ilə təlimlər keçirdiyini və bununla da mayın 7-də Qərbin çirkin hiyləsinin qarşısını aldığını elan etdi;

- Müvafiq əməliyyat oyunları çərçivəsində məlumatların ötürülməsinin nəticəsi”, - Korotçenko qeyd edib.

Xatırladaq ki, Putinin andiçmə mərasimi günü Ukraynanın Rusiyaya zərbələr endirəcəyi gözlənilirdi.