Aqrar Sığorta Fondunun sədri Ağdamda vətəndaşlarla görüşəcək

Aqrar Sığorta Fondunun İdarə Heyətinin sədri Fuad Sadıqov mayın 14-də, saat 10:00-da Ağdam Dövlət Aqrar İnkişaf Mərkəzinin inzibati binasında vətəndaşları qəbul edəcək.

Hava şəraiti pisləşdi: Aqrar Sığorta Fonduna müraciətlər başlandı

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən FED.az-a verilən məlumata görə, qəbul zamanı vətəndaşların Aqrar Sığorta Fondunun səlahiyyət dairəsinə aid olan məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.

Vətəndaş qəbulunda iştirak etmək istəyən şəxslər Kənd Təsərrüfatı Nazirliyinin (1652) və Aqrar Sığorta Fondunun (1651) “Çağrı Mərkəzləri”nə, eyni zamanda, Ağdam Dövlət Aqrar İnkişaf Mərkəzinə (051-950-24-29) zəng etməklə qeydiyyatdan keçə bilərlər.

Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.