- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Siyasət
Ukraynada hərbi vəziyyət və ümumi səfərbərlik daha 90 gün uzadılıb
17:04 08.05.2024
- Smartbee
- Şikayət et
Ukrayna Ali Radası hərbi vəziyyətin 2024-cü il avqustun 11-dək uzadılmasına dair qərar verib.
Reyting.az-ın xəbərinə görə, bu barədə Ukraynanın xalq deputatı Yaroslav Jeleznyak Telegramda bildirib.
Onun sözlərinə görə, Ukrayna prezidenti Vladimir Zelenskinin parlamentə təqdim etdiyi “Ukrayna prezidentinin “Ukraynada hərbi vəziyyətin uzadılması haqqında” fərmanının təsdiq edilməsi haqqında” 11234 saylı qanun layihəsinə 339 deputat səs verib.
Onlar Ukraynada hərbi vəziyyətin 14 may 2024-cü il səhər saat 5:30-dan 90 gün - 11 avqust 2024-cü ilə qədər uzadılmasını nəzərdə tutur.
Həmçinin “Ukrayna prezidentinin “Ümumi səfərbərlik müddətinin uzadılması haqqında” fərmanının təsdiq edilməsi haqqında” 11235 saylı prezidentin qanun layihəsini 336 deputat dəstəkləyib.
Qeyd edək ki, prezident müvafiq qanun layihələrini 2024-cü il mayın 6-da Radaya təqdim edib. Bununla da Ukraynada hərbi vəziyyət dövründə vətəndaşların hüquqlarına bir sıra məhdudiyyətlər qoyulur, komendant saatı tətbiq edilir - bu müddət ərzində vətəndaşlar xüsusi icazə olmadan küçələrdə ola bilməzlər. Hərbi yaşda olan vətəndaşlar üçün xaricə getmək imkanı məhduddur. Hərbi vəziyyət dövründə siyasi aksiyalar və mitinqlər də qadağandır.
E. KAMAL
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Şərh ()
