“Çərşənbə”nin ikinci mövsümünün çəkilişləri başladı: Əsas aktyorlardan biri olmayacaq 

Məşhur “Netflix” serialının ikinci mövsümünün çəkilişlərinə başlanılıb. Bu barədə aparıcı aktrisa Cenna Orteqa İnstaqram səhifəsində məlumat verib.

Sfera.az bildirir ki, Morticia və Gomez Addamsın qızı haqqında filmin birinci hissəsi 2022-ci ilin sonunda işıq üzü görüb. İkinci ssenari hələ də gizli saxlanılır, lakin aktyor heyəti artıq məlumdur.

"İkinci mövsümə başladıq"-deyə Cenna qısa şəkildə yazıb.

Fotoda Cenna tünd məktəbli forması və hörük saçlarda poza verib.

Çərşənbənin anası Morticia rolunu oynayan Ketrin Zeta-Cons şəkilə şərh yazıb. 

Cenna Orteqa, Ketrin Zeta-Cons (Morticia Addams) və Luis Quzman (Qomez Addams) yenidən ekranlara çıxacaqlar. Bununla belə, ikinci mövsümdə ilk mövsümdə Xavyeri oynamış Persi Hayns Uayt iştirak etməyəcək. Aktyor bir neçə qız tərəfindən cinsi təcavüzdə ittiham olunub.

"Bu dezinformasiyanın insanları incitdiyini bilmək çox üzücüdür. Mənə dəstək olan və faktları paylaşmama kömək edən hər kəsə çox minnətdaram. Ailəmə, dostlarıma və həmkarlarımın təqiblərinə son qoyulmalıdır. Oxumağa vaxt ayırdığınız üçün təşəkkür edirəm" deyə Persi Hayns Uayt bildirib.

Aynil

Sfera.az