Ançelottinin ÇL-dəki tarixi rekordu

"Real"ın baş məşqçisi Karlo Ançelotti Çempionlar Liqasında yeni rekorda imza atıb.

QOL.az xəbər verir ki, onun komandası ötən gecə turnirin yarımfinal mərhələsinin cavab oyununda "Bavariya"nı məğlub edərək (2:1, ilk oyun - 2:2) finala vəsiqə qazanıb. Nəticədə Karlo Ançelotti məşqçilik karyerasında 6-cı dəfə turnirin finalına yüksəlib. Bu isə rekord göstəricidir. 

İtaliyalı mütəxəssis əvvəllər “Milan”la 3 dəfə (2002/2003, 2004/2005 və 2006/2007) və “Real”la 2 dəfə (2013/2014, 2021/2022) finala yüksəlib. Həmçinin Ançelotti həlledici görüşdə yalnız 1 dəfə məğlub olub. "Milan" 2004/2005 mövsümündə "Liverpul"a penaltilər seriyasında uduzub.

Qeyd edək ki, bu mövsüm ÇL-in finalında “Real” Dortmund “Borussiya”sı ilə qarşılaşacaq. Görüş iyunun 1-də Londondakı “Uembli” stadionunda keçiriləcək.