Avropa Liqası: “Bayer” finala doğru

Bu gün Avropa Liqasında yarımfinal mərhələsinə yekun vurulacaq.

İdman.biz xəbər verir ki, cavab oyunları çərçivəsində iki matç baş tutacaq.

İtaliyada “Roma”ya iki cavabsız qol vuran “Bayer” məğlubedilməzliyini evdəki görüşdə də davam etdirməyə çalışacaq. “Atalanta” isə “Marsel”i keçmək üçün meydana çıxacaq.

Qeyd edək ki, qitənin ikinci dərəcəli klub turnirinin finalı mayın 22-də Dublində keçiriləcək.

Avropa Liqası
Yarımfinal, cavab oyunları
9 may
23:00. “Bayer” – “Roma”
İlk oyun – 2:0

23:00. “Atalanta” – “Marsel”
İlk oyun – 1:1

İdman.biz