Arxiyepiskop Baqrat Qalstanyan Ermənistanın baş nazirinə istefa vermək üçün bir saat vaxt verib.
Bu barədə keşiş İrəvanda Respublika meydanında keçirilən mitinqdə bildirib.
Qeyd olunur ki, Qalstanyan yaxın bir saat ərzində Paşinyanla görüşməyə və onunla istefa şərtlərini müzakirə etməyə hazırdır.
***
Ermənistanın "Vətən uğrunda Tavuş" hərəkatının bir neçə min tərəfdarı hökumətə etiraz etmək üçün İrəvanın mərkəzindəki Respublika Meydanına toplaşıb.
Bu barədə Moderator.az Ermənistan mətbuatına istinadən xəbər verir.
Respublika meydanı etirazçılarla dolub, Tavuş yeparxiyasının keşişi Baqrat Qalstanyan da onlara qoşulub. Meydanın yaxınlığında polis qüvvələri və xüsusi texnika var.
Bundan əvvəl Ermənistan Milli Təhlükəsizlik Xidməti mayın 9-da planlaşdırılan etiraz aksiyasının iştirakçılarına xəbərdarlıq edərək, konstitusiya quruluşunu təhdid edən hər hansı qanunsuz hərəkətin qanunla nəzərdə tutulmuş bütün vasitələrdən istifadə etməklə qarşısının alınacağını vəd edib.
