Yekaterinburqda Ulu Öndərin anadan olmasının 101-ci ildönümünə həsr olunmuş tədbir keçirilib

Yekaterinburq, 10 may, AZƏRTAC

Azərbaycanın Rusiyanın Yekaterinburq şəhərindəki Baş konsulluğunda Ulu Öndər Heydər Əliyevin anadan olmasının 101-ci ildönümünə həsr olunmuş tədbir keçirilib.

AZƏRTAC xəbər verir ki, tədbirdə Baş konsulluğun kollektivi, diaspor fəalları və tələbələr tərəfindən Ulu Öndərin büstünün önünə gül dəstələri qoyulub, əziz xatirəsi hörmət və ehtiramla yad olunub.

Tədbirin davamında baş konsul vəzifəsini icra edən Şöhrət Mustafayev, “Azərbaycan-Ural” İctimai Milli-Mədəni Təşkilatının sədri Şahin Şıxlinski, diaspor fəalları Müşfiq Ağababayev, Niyaz Vəliyev və Toğrul Həsənzadə çıxış edərək Ümummilli Liderin şərəfli ömür yolundan, diaspor, təhsil və gənclər siyasətindən ətraflı bəhs ediblər.

Fəridə Abdullayeva

AZƏRTAC-ın xüsusi müxbiri

Yekaterinburq