Taylandda allergiyadan şikayət edən qadının burnundan çox sayda qurd çıxarılıb.
Publika.az xəbər verir ki, bu barədə "Thaiger" məlumat yayıb.
Çianq May əyalətinin 59 yaşlı sakini bildirib ki, əvvəlcə burnu tıxanıb və üzü ağrımağa başlayıb. Buna əhəmiyyət verməyən qadının bir həftə sonra burnundan qan axmağa başlayıb. O, dərhal xəstəxanaya çatdırılıb.
Müayinə zamanı həkimlər onun burun sinuslarında çox sayda sürfə aşkar ediblər. Parazitlər qadının həyatı və sağlamlığı üçün ciddi təhlükə yaratdığı üçün o dərhal əməliyyat olunub.
