Azərbaycan Milli QHT Forumunun yeni seçilmiş İdarə Heyətinin üzvləri və Nəzarət Təftiş Komissiyasının üzvləri Fəxri xiyabana gələrək Ulu Öndər Heydər Əliyevin məzarını ziyarət edib, önünə gül dəstələri düzüblər.
"Report" xəbər verir ki, görkəmli oftalmoloq-alim, akademik Zərifə Əliyevanın da xatirəsi ehtiramla yad olunub.
Daha sonra Forumun yeni rəhbərliyi Şəhidlər xiyabanını ziyarət edib. Azərbaycan Respublikasının ərazi bütövlüyü və suverenliyi uğrunda həlak olan şəhidlərin məzarları önünə gül dəstələri düzülüb.