Avropa Komissiyası Rusiyaya qarşı ötən həftə təklif edilən 14-cü sanksiyalar paketini ən qısa zamanda qəbul etməyə ümid edir.
Valyuta.az xəbər verir ki, bu barədə Avropa İttifaqının icraçı orqanının vitse-prezidenti Valdis Dombrovskis Brüsseldə keçirdiyi mətbuat konfransında bildirib.
"Ümid edirik ki, bu yeni sanksiyalar paketi ən qısa zamanda üzv dövlətlər tərəfindən təsdiqlənəcək", deyə o, vurğulayıb.
Dombrovskisin sözlərinə görə, anti-Rusiya sanksiyalarının növbəti paketi Rusiya hərbi-sənaye kompleksinin gələcək inkişafına qarşı mübarizəyə, eləcə də tətbiq edilən məhdudiyyətlərdən yayınma ilə mübarizə tədbirlərinin gücləndirilməsinə yönəlib.
Mayın 8-də "EUobserver" xəbər verib ki, Avropa İttifaqı (Aİ) ölkələri 2024-cü ilin iyuluna qədər Rusiya Federasiyasına qarşı 14-cü sanksiyalar paketi ilə bağlı razılığa gəlməlidir.
Portalın məlumatına görə, Aİ növbəti sanksiyalar paketində Rusiyaya qadağan olunmuş məhsulların tədarükündə şübhəli bilinən firmalar siyahısına daha 52 şirkəti əlavə edəcək.
Paşa Məmmədli