Azərbaycan-Sinqapur parlamentlərarası əlaqələr üzrə işçi qrupunun üzvü deputat Vüqar Bayramov Demokrat.az-a açıqlamasında deyib ki, Sinqapur dünyanın seçilən ölkələrindəndir:
“Sinqapur həm dünyanın maliyyə mərkəzlərindən biridir, həm də adambaşına düşən ümumdaxili məhsulun həcminə görə fərqlənən ölkələrdəndir. Sinqapurun COP29-a marağı təqdirəlayiqdir. Azərbaycan COP29-a ev sahibliyi etməklə iştirakçı sayına görə ən böyük tədbiri keçirmiş olacaq. Çünki bu tədbirə keçirildiyi ölkədən asılı olaraq 50-100 min iştirakçı qatılır. Bu da tədbirin nə qədər əhəmiyyətli olduğunu göstərir. Sinqapurla Azərbaycan arasında əlaqələr inkişaf edir. Sinqapurun COP29-da yüksək səviyyədə təmsil olunmaq istəyi və Azərbaycanı dəstəkləməsi həm də ondan xəbər verir ki, ölkəmizin reallaşdırdığı layihə qlobal əhəmiyyət daşıyır. Buna görə də biz dünyanın aparıcı dövlətlərinin dəstəyini müşahidə edirik”.
Törə Zeynallı
Demokrat.az
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.