"Real Madrid"in baş məşqçisi Karlo Ançelotti İspaniya çempionatında "Vilyarreal"la oyunda qapıda kimin olacağını açıqlayıb.
90deqiqe.Az xəbər verir ki, italyan çalışdırıcı sözügedən matçda Andrey Luninin start heyətində olacağını bildirib.
"Lunin “Vilyarreal”la matçda start heyətində yer alacaq. Kurtua ehtiyat oyunçular skamyasında olacaq”, - Ançelotti mətbuat konfransında izahat verib.
Xatırladaq ki, İspaniya çempionatının son matçlarında “kral klubu”nun əsasını nisbətən yaxınlarda ağır zədəsini sağaldan Tibo Kurtua təşkil edirdi. Mövsümün çox hissəsində "Real Madrid"in əsas qapıçısı Andrey Lunin olub.
Daha əvvəl bildirilirdi ki, Kurtua Çempionlar Liqasının finalında Dortmund "Borussiya"sı ilə oyuna başlamaq ehtimalı yüksəkdir.
