Polşanın Baş naziri Donald Tusk Polşanın Rusiya və Belarusla sərhədlərini möhkəmləndirmək məqsədilə nəzərdə tutulan “Şərq Qalxanı” üçün 10 milyard zlotı (2,6 milyard dollar) ayrıldığını açıqlayıb.
NOCOMMENT.az apa-ya istinadən xəbər verir ki, bu barədə “Bloomberg“ məlumat yayıb.
“Biz istəyirik ki, sərhədimiz sülh dövründə təhlükəsiz, müharibə vaxtı keçilməz olsun”, – Baş nazir qeyd edib.
Tuskun sözlərinə görə, hökumət artıq layihənin hazırlanmasına başlayıb.
“Şərq qalxanı” adlanan plana Polşanın quru sərhədinin 400 km-lik hissəsində yeni istehkamların, hasarların salınması, relyefin formasının dəyişdirilməsi və xüsusi meşə əkilməsi daxildir. Tədbirlər Polşanı qeyri-qanuni miqrasiyadan və mümkün hərbi işğaldan qorumaq üçün nəzərdə tutulub.