Göyçayda yol-nəqliyyat hadisəsi baş verib.
BAKU.WS APA-ya istinadən xəbər verir ki, hadisə Bakı-Şamaxı-Yevlax yolunun 215-ci kilometrində Göyçay rayonu Çayarxı kəndi ərazisindən keçən hissəsində qeydə alınıb.
Belə ki, magistral yolda hərəkət edən 1989-cu il təvəllüdlü Fərhad Ədalət oğlu İsmayılovun idarə etdiyi motosiklet ilə rayon sakini 1986-cı il təvəllüdlü Elvin Mərdanovun idarə etdiyi "Opel" markalı avtomobil toqquşub. Əraziyə təcili yardım briqadası çağırılıb.
Yaralı təcili yardım vasitəsilə rayon mərkəzi xəstəxanasına çatdırılıb. Hadisənin hansı səbəbdən baş verdiyi araşdırılır.
