"Mən bu xəbərin yayılmasını istəmirdim. Kim yayıbsa, təəssüf ki, doğrudur. Biz şikayətçiyik, çünki qardaşım meşəyə aparılaraq bıçaq zərbəsiylə yaralanıb. Qonşu bıçaqlayıb”.
Bakıvaxtı.az xəbər verir ki, bu sözləri AZXEBER.COM-a açıqlamasında müğənni Ülviyyə Namazova deyib.
O bildirib ki, bıçaqlanan qardaşının vəziyyəti ağırdır və reanimasiyadadır:
"700 metr qan axa-axa yerdə sürünüb. Hazırda "Semaşko” xəstəxanasında reanimasiya şöbəsindədir. Vəziyyəti ağırdır”.
Qeyd edək ki, mətbuatda tanınmış müğənni Ülviyyə Namazovanın qardaşı Vüqar Namazovun bıçaqlanması barədə xəbərlər tirajlanıb.
