2025-ci ildə Azərbaycanın ənənəvi bank sektorunun xalis faiz gəlirinin 3,9% artaraq 2,89 milyard ABŞ dollarına çatacağı gözlənilir.
İndex.az xəbər verir ki, bu barədə “Statista” portalının proqnozunda bildirilib. Bunun 1,67 milyard ABŞ dolları ənənəvi pərakətdə bankçılığın payına düşəcək.
Qeyd edilib ki, ümumilikdə 2025-2029-cu illərdə Azərbaycanda sektorun xalis faiz gəlirləri illik 3,45% həcmində artacaq və 2029-cu ilə qədər bazar həcminin 3,31 milyard ABŞ dolları bərabər olacağı gözlənilir.
Qlobal miqyasda isə xalis faiz gəlirlərinin böyük hissəsi Çinin payına düşəcək və 2025-ci ildə 4 trilyon 160,0 milyard ABŞ dolları təşkil edəcək.
“Statista” əlavə edib ki, Azərbaycanın ənənəvi bankları rəqəmsal bankçılıq platformalarından artan rəqabətlə üzləşir və bu, müştərilərin seçimində dəyişiklik yaradır.
