1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İstanbul Polis İdarəsi tərəfindən "Əl-Qaidə" terror təşkilatının Türkiyə strukturu ilə bağlı ölkədə əməliyyat həyata keçirilib.
Bu barədə Oxu.Az İHA-ya istinadən xəbər verir.
Məlumata görə, əməliyyat nəticəsində təşkilatın iki əsas üzvü saxlanılıb.
2018-ci ildən gizlənən və barələrində həbs cəzası olan iki qardaş Avcılar rayonunda yerləşən binanın zirzəmisində ələ keçirilib.
Qaçaq olduqları üçün barələrində qiyabi həbs hökmü oxunan qardaşlardan birinə "Silahlı terror təşkilatına üzv olmaq" maddəsi ilə 9 il 6 ay müddətinə azadlıqdan məhrumetmə, digərinə isə 7 il 6 ay azadlıqdan məhrumetmə cəzası verilib.
45 və 51 yaşlarında olan şəxslərin "Əl-Qaidə" adından fəaliyyət göstərdikləri, təşkilatdan əmr və göstərişlər aldıqları məlum olub.
Batmanda qeydiyyatda olduqları müəyyən edilən şübhəlilərin təşkilatın çöllük ərazilərdə keçirilən təlim düşərgələrinə qatılıb-qatılmadıqları araşdırılır. Müvafiq prosedurlardan sonra qardaşlar tutularaq həbsxanaya göndəriliblər.
