Türkiyənin Bursa şəhərində 4 bal gücündə zəlzələ qeydə alınıb. Rəsmi məlumatlara əsasən, yeraltı təkanlar Nilüfer rayonunda, yer səthindən 10 km dərinlikdə baş verib.
Zəlzələ İstanbul və yaxın bölgələrdə də hiss olunaraq insanlarda ciddi narahatlıq yaradıb. Hadisə qısa müddətlik panika ilə nəticələnsə də, ciddi fəsadlar qeydə alınmayıb.
Zəlzələ Riski BöyükdürMövzu ilə bağlı açıqlama verən mütəxəssis Prof. Dr. Süleyman Pampal, Bursa bölgəsindəki fay xəttinin gələcəkdə daha güclü təkanlar törədə biləcəyini bildirib. Ekspert qeyd edib ki, bu xətt 7,5 bal gücündə dağıdıcı zəlzələ yaratmaq potensialına malikdir.
Pampal həmçinin vurğulayıb ki, böyük təbii fəlakətlərə qarşı hazırlığın artırılması zəruridir.
