Vətəndaşlar sərbəst şəkildə səsvermə hüququndan istifadə edirlər.
Bunu "Report"a açıqlamasında 13 saylı Xəzər ikinci seçki dairəsinin 15 saylı seçki məntəqəsinin sədri Rəhilə Baxşiyeva deyib.
O bildirib ki, seçki məntəqəsində 1379 seçici var:
"Məntəqədə 1379 seçici var və 17 bələdiyyə üzvü seçiləcək. Ümumi fəallıq isə hər zamankı kimi yüksək səviyyədədir. Hər kəs ruh yüksəkliyi ilə səsverməyə qatılıb. Seçicilərimiz saat 8-ə qalmışdan qapıda gözləyirdilər. Əhval-ruhiyyə də yüksək səviyyədədir".
Məntəqənin müşahidəçisi Yasəmən Hacımirzəyeva da seçkilərin şəffaf şəkildə keçdiyini vurğulayıb:
"Müşahidələrimizə əsasən seçicilər çox fəaldırlar. Onlara lazımı izahatlar da verilir, köməklik göstərilir. Proses axarında davam edir".
