Caypurdakı (Hindistan) Beynəlxalq Sağlamlığın İdarə Edilməsi Tədqiqat İnstitutunun alimləri 2-ci tip diabetli xəstələrin təxminən 45%-nin D və B12 vitaminləri, dəmir və maqnezium çatışmazlığından əziyyət çəkdiyini müəyyən ediblər.
Editor.az xəbər verir ki, bu barədə “Gizli aclıq” adlanan bu fenomen BMJ Nutrition, Prevention & Health jurnalında dərc edilən araşdırmada qeyd edilib. Tədqiqat 1998-2023-cü illər arasında toplanmış 52,500-dən çox insanın pəhriz və sağlamlıq məlumatlarını təhlil edib. Həm sağlam insanlar, həm də 2-ci tip diabetli insanlar haqqında məlumatlar nəzərə alınıb. Nəticələr göstərib ki, diabetli iştirakçıların 60%-dən çoxunun orqanizmində D vitamini səviyyəsi azalıb. Maqnezium (42%), dəmir (28%) və B12 vitamini (22%) çatışmazlıqları da ümumi idi. Alimlər diabetin müalicəsində istifadə olunan metformini qəbul edən iştirakçılara xüsusi diqqət yetiriblər. Bu dərmanı istifadə edən xəstələrin 29 faizinin B12 vitamini çatışmazlığından əziyyət çəkdiyi məlum olub.
Bundan əlavə, tədqiqat göstərib ki, diabetli qadınların qidalanmadan əziyyət çəkmə ehtimalı kişilərə nisbətən daha çoxdur (49% -ə qarşı 43%). Diabet xəstələri arasında çatışmazlıq hallarının ən yüksək halı Amerika qitəsində bildirilib, burada xəstələrin 54%-dən çoxunun mühüm mikroelementlərdə çatışmazlıq olduğu aşkar edilib. Alimlər xəbərdarlıq ediblər ki, vitamin və mineral çatışmazlığı nəinki diabetə nəzarəti pisləşdirə, həm də onun inkişafına kömək edə bilər.
//Gülnarə Abasova, Editor.az
