Çox vaxt səyahətçilər Vyetnam, Kolumbiya və İtaliyada qəhvəni tərifləyirdilər.
QHT.az xəbər verir ki, Avropada qəhvənin dadı və qiyməti ilə bağlı şikayətlər olsa da, Reddit istifadəçiləri mükəmməl qəhvə tapmağın mümkün olduğunu iddia edirlər. Sorğuda iştirak edənlər arasında Panamanın Boquete bölgəsində istehsal edilən məşhur Geyşa qəhvəsi xüsusi vurğulanıb. İstifadəçilər bu qəhvənin yasəmən, bal və tropik meyvələr notları ilə unikal ləzzətə malik olduğunu bildiriblər. Bundan əlavə, Vyetnam və Yaponiya da üstün qəhvə təqdim edən ölkələr arasında qeyd olunub. Xüsusilə, Hanoidəki yumurtalı qəhvə tövsiyə edilib. Kolumbiya isə dünyanın ən böyük qəhvə ixracatçılarından biri kimi yüksək keyfiyyətli qəhvəsi ilə tanınıb.
Avropa qəhvə məkanları arasında İtaliya və İspaniya öndə gedir. İtaliyada kapuçino, İspaniyada isə kortado xüsusi təriflənib. Səyahətçilər həmçinin Rumıniyanın Brasov şəhərindəki Book Coffee-də təqdim edilən “espresso-cin-tonik”i unikal qəhvə təcrübəsi kimi xatırlayıblar.
R.İmanov
