AZ

Azərbaycan Universiteti mayda beynəlxalq konfrans keçirəcək

Azərbaycan Universiteti, Sosial Tədqiqatlar Mərkəzi, Türkiyənin Fırat Universiteti və Rəcəb Tayyib Ərdoğan Universitetinin birgə təşkilatçılığı ilə bu il 23-25 may tarixlərində 2-ci “Social Work & Social Research” (Sosial iş və sosial tədqiqat) beynəlxalq konfransı keçiriləcək.

“Qafqazinfo” xəbər verir ki, Azərbaycan Universitetinin evsahibliyində keçiriləcək konfransın məqsədi bu sahədə çalışan tədqiqatçıların sosial iş və sosial siyasət sahəsindəki aktual məsələlərin müzakirəsinə qoşulması, əhalinin müxtəlif kateqoriyalarının sosial və psixoloji səviyyəsinin yüksəldilməsinə yönəlmiş müasir texnologiyaların, sosial təcrübələrin hazırlanması və tətbiqi sahəsində təcrübə mübadiləsidir.

Tezislərin göndərilməsi üçün son tarix 1 aprel 2025-ci ildir.

Qeyd edək ki, konfransın birincisi 24-25 noyabr 2023-cü il tarixlərində hibrid formatda keçirilib. Sosial iş ixtisası və sosial iş təcrübəsinin beynəlxalq müstəvidə müzakirə olunduğu konfransa dünyanın 32 ölkəsindən 156 məruzə qəbul edilib. Konfransın bölmə iclaslarına isə 40-a yaxın ölkədən tədqiqatçı və mütəxəssis qoşulub.

Konfransın səhifəsinə keçid: https://au.edu.az/en/conferences/2nd-international-conference-on-social-work-social-research

Seçilən
4
2
qafqazinfo.az

3Mənbələr