Norveç polisi Baltik dənizində fiber optik kabelin zədələnməsində şübhəli bilinən Norveçin Silver Dania gəmisini rus ekipajı ilə birlikdə saxlayıb.
Bu barədə yerli VG qəzeti məlumat yayıb.
“Gəmi Norveçdə qeydiyyatdan keçib və Norveç bayrağı altında üzür. Lakin gəmidəki bütün ekipaj ruslardır”, - məqalədə deyilir.
Qeyd olunur ki, Sankt-Peterburq və Murmansk arasında fəaliyyət göstərən gəmi Latviya hakimiyyətinin tələbi ilə saxlanılıb.
