Avropa Komissiyası ABŞ-ın Aİ ölkələrindən idxal etdiyi mallara rüsum tətbiq edəcəyi təqdirdə sərt cavab tədbirləri ilə bağlı xəbərdarlıq edib.
Publika.az xəbər verir ki, bu barədə “France-Presse” agentliyi Avropa Komissiyasının nümayəndəsinə istinadən məlumat yayıb.
Agentliyin mənbəsi Aİ-nin iqtisadi artım və sabitlik üçün mühüm amil hesab edərək aşağı ticarət tariflərinə üstünlük verdiyini bildirərək, ABŞ-ın tətbiq etdiyi ədalətsiz tariflərin Avropa İttifaqının sərt və qətiyyətli cavabı ilə qarşılanacağını bildirib.
Fevralın 1-də ABŞ prezidenti Donald Tramp Meksika və Kanadadan gələn mallara 25% , Çin mallarına isə 10% rüsum tətbiq edən fərman imzalayıb. O, qərarını qanunsuz miqrasiya və narkotiklərlə mübarizə ilə izah edib.
