Rusiya Suriya ilə bir çox məsələlərlə yanaşı, Tartusdakı bazanın taleyi ilə bağlı danışıqları davam etdirəcək.
Xezerxeber.az xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə açıqlamasında deyib.
O, Rusiya nümayəndə heyətinin bir müddət əvvəl Suriyanın yeni hakimiyyəti ilə təmaslar həyata keçirdiyini xatırladıb: "Nümayəndə heyətimiz bu yaxınlarda Dəməşqdə danışıqlar aparıb. Bütün məsələlər üzrə təmasların davam etdirilməsi razılaşdırılıb. Müzakirə ediləcək çoxlu məsələlər var. Biz bütün mövzular, o cümlədən Rusiyanın Tartusdakı bazasının taleyi haqqında dialoqu davam etdirəcəyik”.
