Fransanın "Lill" klubu "Ayaks"ın hücumçusu Çuba Akpomu heyətinə qatıb.
Fanat.Az xəbər verir ki, məlumatı Liqa 1 təmsilçisinin rəsmi saytı yayıb.
Altı aylıq icarəyə götürülən futbolçu bu müddətin sonunda birdəfəlik “Lill”in oyunçusu ola bilər.
"Arsenal"ın yetirməsi olan 29 yaşlı hücumçu bu mövsüm "Ayaks"ın heyətində bütün rəsmi yarışlarda 8 qol vurub. Onlardan birinə azərbaycanlı azarkeşlər də canlı şahid olublar. Belə ki, oktyabrda "Ayaks"ın heyətində Bakıya gələn Akpom Avropa Liqasının Liqa mərhələsi çərçivəsində baş tutan və komandasının 3:0 qalib gəldiyi matçda sonuncu qolun müəllifi olub.
"Transfermarkt" ingilis futbolçunun dəyərini 8 milyon avro qiymətləndirir.
"Lill" hazırda Fransa çempionatında ilk "üçlük"dən iki xal geri qalaraq 4-cü yerdədir. Sentyabrın ortalarından yanvarın ortalarına kimi klub heç kimə uduzmayıb. "Lill" Avropa Liqasında da mübarizəsini çıxış etdirir.
Mirağa
