'“Eurovision”-a qarşı “İntervision” müsabiqəsi keçiriləcək'

Rusiya Prezidenti Vladimir Putin “Eurovision”un analoqu olan “İntervision” musiqi müsabiqəsinin 2025-ci ildə keçirilməsi barədə göstəriş verib. Manset.az xarici mediaya istinadən xəbər verir ki, o, müvafiq fərman imzalayıb, sənəd hüquqi aktların saytında dərc olunub. Sərəncama əsasən, “İntervision” beynəlxalq mədəni-humanitar sahəsində əməkdaşlığın daha da inkişaf etdirilməsi məqsədilə keçirilir. Yarışın Moskva və Moskva vilayətində keçiriləcəyi gözlənilir.

“İntervision” müsabiqəsi 1970-1980-ci illərdə sosialist ölkələrində keçirilib. Rusiya Mədəniyyət Nazirliyinin rəhbəri Olqa Lyubimova 2023-cü ilin noyabrında bu müsabiqəyə qayıtmağı təklif edib. Həmin ilin dekabrında Rusiyanın Baş naziri Mixail Mişustin Sankt-Peterburqda “İntervision”un keçirilməsi üçün 600 milyon rubl ayrılması haqqında sərəncam imzalayıb. Məlumata görə, Azərbaycan, Çin, Özbəkistan, Qazaxıstan və Belarus müsabiqədə iştirak etməkdə maraqlı olduqlarını bildiriblər.

"“Eurovision”-a qarşı “İntervision” müsabiqəsi keçiriləcək" - Putindən sərəncam

Hesaba daxil ol

Qeydiyyatdan keç

Şifrəni bərpa et