1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Fevralın 14-16-da Bakıda keçiriləcək Böyük Dəbilqə turnirinin püşkatma mərasimində Azərbaycan cüdoçularının rəqibləri bəlli olacaq.
Oxu.Az xəbər verir ki, turnirdə iştirak etmək üçün 38 Azərbaycan cüdoçusu (27 kişi və 11 qadın) qeydiyyatdan keçib ki, onlardan 15-i hazırkı dünya reytinq cədvəlinin ilk 8-liyindədir.
Bunlar: Turan Bayramov, Balabəy Ağayev (hər ikisi - 60 kq), Ruslan Paşayev, Yaşar Nəcəfov, Rəşad Elkiyev (hamısı - 66 kq), Rəşid Məmmədəliyev (73 kq), Zelim Tsakayev, Ömər Rəcəbli (hər ikisi - 81 kq), Murad Fətiyev (90 kq), Uşanqi Kokauri, Camal Qəmzətxanov (hər ikisi +100 kq), Leyla Əliyeva (48 kq), Aidan Vəliyeva (52 kq), Açeliya Toprak və Fidan Əlizadədir(hər ikisi 57 kq).
