Çin Xalq Respublikasının Dövlət Şurası 2025-ci il fevralın 10-dan Amerikanın enerji resurslarının idxalına rüsumlar tətbiq edəcək.
Yeniavaz.com xəbər verir ki, Dövlət Şurasının qərarına əsasən, neftə 10%, kömür və LNG-yə (mayeləşdirilmiş təbii qaz) 15% rüsum tətbiq ediləcək.
Bundan əlavə, Amerikanın çoxlitrlik avtomobillərinə, pikap maşınlarına və kənd təsərrüfatı texnikalarına 10% rüsum tətbiq olunacaq.
Qeyd edək ki, 2024-cü ildə Çin və ABŞ arasında ticarət dövriyyəsi 688,28 milyard dollar təşkil edib. Eyni zamanda, ABŞ-dən Çinə tədarük 163,62 milyard dollar olub.