Türkiyə Prezidenti Rəcəb Tayyib Ərdoğanın administrasiyası Suriyanın müvəqqəti hökumətinin başçısı Əhməd əl-Şaraanın ölkəyə səfəri üçün təyyarə ayırıb.
Publika.az xəbər verir ki, bu barədə Türkiyənin “Yeni Şafak” qəzeti məlumat yayıb.
“Suriya Prezidenti Əhməd əl-Şaraa və xarici işlər naziri Əsəd Həsən Şeybani Türkiyəyə səfərə gediblər . Türkiyə prezidenti onlar üçün xüsusi təyyarə ayırıb”, - deyə məlumatda bildirilir.
Bir gün əvvəl "Reuters" agentliyi mənbələrə istinadən xəbər verib ki, Türkiyə Prezidenti Rəcəb Tayyib Ərdoğan və Suriya keçid hökumətinin prezidenti Əhməd əl-Şaraa Ankarada danışıqlarda Suriyada türk aviabazalarının yaradılması imkanını müzakirə edəcəklər.
