“Kover” əməliyyatı barədə məlumat AZAL təyyarəsi idarəetməni itirəndən 8 dəqiqə sonra verilib.
Modern.az xəbər verir ki, bu barədə AZAL-ın Aktauda qəzaya uğrayan təyyarəsi ilə bağlı təhqiqata dair ilkin hesabatda məlumat yer alıb.
“05:13:32-də hava gəmisinin əsas idarəetmə sistemləri itirilir, 05:21:42-də əlaqələndirici dispteçer “Kover” əməliyyatı barədə Qoznıya məlumat verir”, - hesabatda qeyd olunub.
Qeyd edək ki, Rusiya mənbələrində əməliyyatın hadisədən əvvəl elan edildiyini iddia edilirdi.
