Türkiyə Suriyanın mərkəzində hərbi hava bazaları yarada bilər.
Herbiand.az xəbər verir ki, bu barədə Reuters məlumat yayıb.
Agentlik Suriya və Türkiyə hökumətlərindəki mənbələrə istinadən xəbər verir ki, Palmira yaxınlığındakı hərbi aerodrom, eləcə də Tiyas kəndi yaxınlığındakı T4 aviabazası variant kimi nəzərdən keçirilir.
Həmin gün Suriyanın yeni lideri Əhməd əl-Şaraa Ankaraya gələrək Türkiyə prezidenti Rəcəb Tayyib Ərdoğanla görüşüb. Əl-Şaraa bildirib ki, ölkələr “regionda təhlükəsizlik təhdidlərinə qarşı çıxmaq” və “strateji tərəfdaşlıq yaratmaq” üçün birgə strategiya üzərində işləyirlər.
Türkiyə lideri bildirib ki, Suriyanın şimal-şərqində kürd silahlılarına qarşı birgə mübarizə, eləcə də İsrail Müdafiə Qüvvələrinin Qolan Təpələri bölgəsindəki ərazilərdən çıxarılması müzakirə olunub. Danışıqlardan sonra siyasətçilər heç bir razılaşma əldə etməyiblər.
